CONCERTO DE DULCE PONTES.

Este sábado día 20 de Outubro ás 21.00 no Teatro Principal de Pontevedra.

Neste concerto Dulce presentara o seu album O coraçao tem três portas.

IV ENCONTRO INTERNACIONAL DE PANDEIROS DE MAN.

Esta nova edición ademais de continuar coa programación reservada á pandeireta galega amplia definitivamente o seu interese polos tambores de mao considerando o adufe (pandeiro cadrado) e a pandeira (pandeiro redondo) no conxunto dos pandeiros de mao do mundo.Teremos neste encontro representación do pandeiro cadrado de Pontevedra, con Maruxa das Cortellas considerada unha virtuosa popular deste instrumento. Desde Portugal, pais que conservou con maior vixencia a tradicción dos adufes introduccindoo en espectáculos contemporaneos, contaremos con a presencia de Paulo Meirinhos, un bon coñecedor da percusión popular portuguesa que compartillará espazo con Davide Salvado, xoven cantador e músico renovador na pandeireta galega. E para rematar,un cantor do Norte galego, Xabier Diaz presentando o seu novo disco “Coplas para Icia”.

PROGRAMACIÓN

Sábado 20.

22,00h. Serán Urbán na Praza da Verdura. As tanxedoiras do pandeiro, Maruxa das Cortellas, Pandereteiras da Hermida, … escenario aberto para quen desexe tocar.

Domingo 21.

11h-14h. Aula aberta de adufe con Paulo Meirinho (Portugal). Edificio do antigo Conservatorio.

17-18h. Concerto didáctico.Teatro Principal. O adufe en Portugal. Paulo Meirinho.- A pandereta e o pandeiro galegos. Davide Salvado.

20,30h. Concerto presentación do disco “Coplas para Icia” de Xabier Diaz. Teatro Principal.

Organiza: As. do Conservatorio de Música Tradicional e Folque de Lalín.

Promove: Concellaria de Cultura. Concello de Pontevedra.

O FUTURO DO GALEGO NA REDE

O Consello da Cultura Galega ven de publicar "I+C, oportunidades e desafíos para a cultura galega en Internet", un libro de descarga gratuita donde se analizan os retos do galego e da cultura galega na rede. Pódese descargar na seguinte dirección:

http://www.culturagalega.org/i+c/

O NOVO ANUNCIO DE GADIS BATE RECORDS

O novo anuncio de Gadis bate records en You Tube con máis de trinta mil visitas, pero non está exento de debate...

http://www.vieiros.com/nova/61437/e-a-campana-do-gadis-un-plaxio

SANTOMÉ CELEBRA A FESTA DA MAZÁ E DA SIDRA

Santomé rinde homenaxe a mazá durante todo o fin de semana, con concertos, concentracións de cabalos, exposicións e, como non, degustacións da súa famosa sidra e de todo tipo de productos elaborados con mazás na IX FESTA DA MAZÁ E DA SIDRA. O pregón de esta edición correrá a cargo do humorista Carlos Blanco.